Taxation Office in Chhiah cheng vbc. 17 chuang hmu
Serchhip Taxation Office atanga LENKAWL in thu a dawn danin sawrkar kum liamta, 2024-2025 chhung khan Chhiah chi hrang hrang an khawn atangin Rs. 17,06,85,144/- hmuh a ni a, heng zinga a tam ber chu GST atanga hmuh niin GST hnuaiah hian Rs. 13,24,32,318/- hmuh a ni a, VAT atangin Rs. 2,52,42,523/- hmuh a nih bakah Profession Tax Rs. 89,02,959/- hmuh a ni bawk a. Hei bakah hian sawrkar in nikum September thla atanga tuialhthei hralhna atanga Cess a lak, Road Maintenance Cess leh Social Infrastructure Cess atangin Rs. 20,53,672/- ve ve hmuh a ni bawk.
Serchhip-a Taxation Office hian sawrkar kum hmasa 2023-2024 khan Chhiah chi hrang hrang atangin Rs. 11,16,25,273/- an hmu a, heta Chhiah an hmuh ai hian nikum-a Chhiah an hmuh hi Rs. 5,90,59,871/- in a tam zawk a, kum 2023-2024 chhung khan GST-ah Rs. 9,19,07,544/- hmuin VAT-ah Rs. 1,10,44,457 leh Profession Tax-ah Rs. 86,73,272/- an hmu bawk a ni.
Deputy Commissioner of State Tax, Ser-chhip Zonal Office chuan Serchhip District-a sumdawng leh hnathawktu hrang hrangte zara kum hmasa a an Chhiah lakluh cheng vbc. 5.9 laia an khum thei chu lawmawm an tih thu an sawi a. Sawrkar kum a thar angin Profession Tax khawn a lo hun leh dawn ta tih pawh sawiin, Serchhip District-a sumdawngte leh Chhiah petu te chu Chhiah pek ngai pawimawh tura an ngen thu an sawi bawk a ni.
Comments
Post a Comment