Serchhip District-ah PMUY hamthatna dawng 1891 awm

Pradhan Mantri Ujjwala Yojana (PMUY) hnuaiah Serchhip District-ah hamthatna dawngtu mi 1891 an awm tawh.
PMUY hi sawrkar laipui Ministry of Petroleum and Natural Gas (MOP-&NG) hnuaia hmalakna niin chhungkaw harsa, BPL family a hmeichhia ten a thlawna eirawng-bawlna Gas connection an dawn theihna a ni a. Kum 2021 atang khan Ujjwala Yojana 2.0 in chhun-zawm leh niin he ruahmanna hnuaiah hian Serchhip District-ah hamthatna dawngtu mi 1891 an awm tawh a ni.

Tunhnai khan Serchhip DC Meeting Hall-ah Bawrhsap Paul L. Khuma kaihhruaiin District Ujjwala Committee chu thukhawmin Pradhan Mantri Ujjwala Yojana (PMUY) hnuaia hmalakna te an thlirho a, he hunah hian he ruahmanna hnuaia hamthatna dawngtu mi 1891 zinga mi 15 te chuan eirawngbawlna Gas an dawn hi vawikhat mah an la refill lo tih tarlan a ni a. Heng la refill lo te hi dan angin an hamthatna chhuhsak theih an nih avangin Indian Oil Coporation (IOC) hotuten lehkha pe in hriattir nise an ti a. Refill turin sum leh paia harsatna an nei a nih chuan biometric hmanga an nihna tichiangtu e-kyc an link chuan beneficiary an ni chhunzawm zel thei dawn a. Hei vang hian Committee chuan PMUY benefeciary zawng zawngte e-kyc tha taka tifel vek turin an ngen bawk a ni.