Rilru hahna chhawktu a ni dawn niin sawi

Mizoram State Health Care Society (MS-HCS)-a CEO Dr. Biakthansangi chuan Mizoram Universal Health Care Scheme (MUHCS) thar a Cashless System chu damlo miharsate rilru hahna chhawktu a ni dawn tih a sawi.

    MUHCS thar hi April 1, 2025 atang khan hman tan niin, Dr Biakthansangi chuan he Scheme hi mipui zawng zawng huap tur a nih thu a sawi a, an system pawh ram changkang zawka an finfiah tawh leh tta an tih tawh ang zulzui a nih thu DD News palai a hrilh a. An kalpui dan tur chu sawrkar tan leh mipui tana chhenfakawm tur, sawrkar tan pawha sum sen hautak lo thei ang ber tura duan a nih thu a sawi a. Nimin lama damdawi In-a an Staff te'n an zirchiannaah pawh hmang tangkaitu an awm nghal thu a sawi bawk. India ramah State tlemte in an kalpui tih a sawi a, hei hi a hlawhtling a nih chuan Mizoram mipui tana mellung thar a nih dawn thu a sawi bawk a ni.