Ni 3 awh tur Mathematics Summer Camp nei tan

Nimin April 2, 2025 atang khan Govt. Ser-chhip College-ah ni thum chhung awh tur ‘Mathematics Summer Camp’ neih tan a ni.
Govt. Serchhip College Mathematics Department leh Mizoram Science, Technology and Innovation (MISTIC) Mizoram tangkawp in an buatsaih Mathematics Summer Camp hi Govt. Zirtiri Residential Science College-a Asst. Professor Dr. C. Lalramliana chuan khuallian niin a hawng a, he huna tel zirlai naupangte chu ni thum chhung lai a thlawna Mathematics Subject zirna hun an nei chu an vanneih thu sawiin, hlawk taka hman tum turin a chah a. Mathematics thiam tur chuan taihmakna neih a pawimawh thu leh tih hram hram nun nei chunga zir zel a pawimawh thu sawiin, Mathematics thiam tur chuan a bulthut atanga hrethiam tura zir a pawi-mawh thu bakah Fomula leh Theorem te bakah Hmun thiam a pawimawh zia te a sawi bawk a ni.

Mathematics Summer Camp hawnna hun hi Govt. Serchhip College Mathematics Department-a HoD Dr. Lalhmangaihzuala chuan kai-hruaiin chawhnu lam atangin zirlate chu Govt. Serchhip College-a Mathematics Faculty ten an zirtir chhunzawm nghal a ni. He Mathematics Summer Camp-ah hian Serchhip khawchhunga High School 5 atangin naupang thlanbik 60 an tel a ni.