Poshan Pakhwada pualin Serchhip-ah Health Walk nei

Tun thla ni 8 atanga ‘Poshan Pakhwada 2025’ hman kal mekah Ningani khan Serchhip-ah ICDS Project huaihawtin kawngzawh, ‘Poshan Health Walk on Importance of 1000 Days’ neih a ni.
He kawngzawh hi Serchhip P&E Veng-a P&E Department Gate atanga ICDS Office thleng neiin ICDS Project-a thawkte leh an thawhpui Department hrang hrang te, Anganwadi Worker te leh Helper mi 70 vel an tel a, kawngzawh hi ICDS Project atangin Calvin Lalngaihsanga chuan kai-hruaiin Serchhip ICDS Project-a CDPO Caryll Lalpari chuan Poshan Health Walk neih a nih chhan leh 1000 Days awmzia leh pawimawihna te a sawi a ni.

Poshan Pakhwada 2025 hi April 8 atanga April ni 22, 2025 chhung neih tur niin he Prog-ramme in a tum ber chu ei tur tha ei pawimawh zia inzirtir te, thisen tlakchham natna Anemia chung-chang inhrilhhriatna leh venna inzirtir te, nu leh naupang hriselna chungchang leh thlai leh thil ei pawimawhna inzirtir te neih tur a ni a. April ni 8, 2025 khan Video Conference leh YouTube kaltlangin a hawnna neih a ni a. Anganwadi Centre hrang hrangah faina hnatlang te neih niin, naupang leh nu naupai te tlawhchhuakin hun an hmang a ni.