Pipu sulhnu hmuchhuak

Archaeological Survey of India (ASI) ten kumin February ni 25 atanga March ni 1 chhunga Mizoram khaw hrang hranga pipute sulhnu zawnna, Village to Village Survey an neihna ah pipute sulhnu lung ker an hmuchhuak a, heng lungker te hi Khaw-zawl, Saitual, Serchhip leh Champhai District ami te a ni a, mihring lem te, Sial lu lem te, Sangha lem te ker a ni. Assistant Superintendent Archaeologist Salam Shyam Singh, K.Lalrinchhani Assistant Archaeologist leh a Team te chuan heng lung ker hmuhchhuah hi Mizote tan thil hlu tak a ni a, Mizo hnam rohlu Mizoten Mizoram an luahna ti nghet tu a ni, an ti. He lung ker leh lung kerna hmun hi humhalh dan tur ruahmanna ASI lam chuan a la siam dawn a ni.