FCS&CA in FIR thehlut tawh

Food Civil Supplies & Consumer Affairs Department chuan thuchhuah siamin Mizoram sawrkar chuan mipuite hnena buhfai tha, hniang-hnar leh buk dik taka pe turin tha thlah lovin theihtawp a chhuah tih tarlangin, hetihlai hian Supply Department in buhfai a lakkhawm leh Supply Centre hrang hranga mipui ei tur a semchhuah tur phurtu te'n kawng lakah an hralh thin a ni tih finfiah a nih thu leh Buhfai hralh thentu lakah First Information Report (FIR) thehluh tawh a ni tih an tarlang a. “Hetiang thil thleng hi FCS&CA Department chuan a ngai thutak hle a, buk dik taka mipuite hnena buhfai pekchhuah kawngah harsatna a thlenin mipui chanvo dik lo taka lak sakna a ni,” tiin thil diklo ti tute dan anga hrem turin Sawrkar chuan hma a lak zel dawn thu leh tanrual puiah mipui te an sawm thu an tarlang bawk.