MSPMC in hnathawh enfiah

Mizoram State Project Monitoring Committee (MSPMC) Vice Chairman R. Lal Rinawma kaihhruaiin MSPMC member-te chuan nimin khan Champhai khawpui chhunga hmasawnna hna thawh mekna hmun paruk an tlawh a, heng hmalakna an tlawh te hi Zomi Cultural Centre, Vengthar; Passion Fruit Processing Plant, New Champhai leh Auditorium, Champhai Bethel te bakah Critical Care Block, District Hospital; ST Girls Hostel, Champhai College Campus leh District Court Building, Vengsang te a ni a. MSPMC member-te hi sawrkar department hotute, Contractor leh khawtlang hruaitu ten lo an lo dawng-sawng a. Hna tha leh tlo, ram tana rotling leh chhenfakawm din anih ngei theih dan turte an sawiho a, harsatna hrang hrang awm thei chinfel dan tur te sawiho a ni bawk.