Health care pawisa pe zel

Mizoram Universal Health Care Scheme (MUHCS) chu kumin April thla atanga hman tan a nih hnuah Mizoram chhunga sawrkar damdawi In, kohhran leh mimal enkawl (empanelled Hospital)-ah te man chawi lova inenkawlna kalpui mek a ni tih Mizoram State Health Care Society chuan an sawi a, MUHCS hnuaia inenkawlna senso te hi damdawi In hnenah pek tlak nghal zel a nih thu leh tun dinhmunah damdawi In-a damlote enkawlna atana bill lut 592 te senso, Rs. 36,21,840/- chu pek tlak vek tawh a ni tih sawiin, MUHCS hnuaiah hian phai lama enkawl ngai (Refer) mi 200 chuang thawnthlak an ni tawh tih an sawi bawk. Mizoram State Health Care Societ chuan Scheme tharin a tum ang ngeiin damlote chu mahni insengso lova a thlawna inenkawlna (cashless) pek an nih thu leh Scheme thar a nihna angin thawktu thenkhat ten hriat fuhloh laite an lo neihte chu a tul ang zelin zirtirna pek an ni tih an sawi bawk.