CM in NCB hotu a kawm

Chief Minister Lalduhoma chuan nimin khan a Pisa-ah Director General of the Narcotics Control Bureau (NCB) Anurag Garg IPS chu kawmin Mizoram paltlang ruihhlo tawlhruk hmachhawn dan tur thilte a sawipui a. Chief Minister hian an hmalakna tichak thei tur rawtna an neih hrang hrang te chu ziaka pe turin a hrilh a. Khawchhak lam atanga ruihhlo lo lut nasa tireh thei tur hian ramri-ah infrastructure tha kan neih belh a tul a, thawktu (manpower) indaih kan neih a ngai bawk a. Chuvang chuan Central sawrkarah pawh rawtna te an thlen a, Mizo Territorial Army min dinsak turin Ministry of Home Affairs lam te pawh a ngen thu a sawi a ni. He hunah hian Director General of the Narcotics Control Bureau Anurag Garg chuan Mizoram-ah Zonal Office puitling awm thei se tha a tih thu a sawi a, thawktu lam neih belh pawh a tul thu a sawi a. Thawktu, Mizo tawng thiam an mamawh hle tih Chief Minister hi a hrilh bawk a ni.