YMA Village Profile Apps

Mizoram-a YMA Branch hrang hrangin an hman theih tura ruahman ‘YMA Village Profile Apps’ chu nimin khan Central YMA Committee Room-ah Central YMA President Lalhmachhuana chuan a tlangzarh a, Village Profile Apps hi Lailen Consulting Private Ltd in Mizoram Sawrkar nen tang tlanga an siam niin he Apps hmang hian khaw tina mihring cheng te dinhmun tlangpui chu dah theih a ni dawn a ni. Village Profile App hi Aizawl City Branch 6-ah hman chhin phawt tura rua-hman a ni a, Village Profile siamna atan hian Home Department atangin cheng nuai 10 ruahman niin hei hian a siamna mai bakah kum engemaw chen a enkawl zui zelna tur a daih dawn a ni.