World Water Day hman a ni

Khawvel puma tui hlutna inzirtirna ni, World Water Day 2025 chu nimin, March 24, 2025 khan hman leh a ni a, Aizawl-ah chuan PHE Department leh Central Young Mizo Association (CYMA) tangkawp bultumin Vanapa Hall-ah hman a ni a, PHE Minister Prof. Lalnilawma chuan he hun hi hmanpuiin kum 2024 chhung khan Mizoram-ah ram hectare 3917 kang ralin, heng zinga hectare 94.5 chu ramngaw pangngai a ni tih a sawi a ni. World Water Day hi kumtin March ni 22-ah khawvel pum huapa urhsun taka hman thin a ni a, kumin hian remchan zawkna vangin March ni 24-ah hman a ni a. Mizoram hmun hrang hrangah tuihna humhalh inzirtirna leh mahni khaw tuilakna hmun thenfai hnatlangte neia hun hman a ni.