US dollar maktaduai 108 puk tum a nih thu sawi

Health Minister Lalrinpuii chuan Asian Development Bank (ADB) atangin US dollar mak-taduai 108 puk tum a ni tih House a hrilh.

    Nimin-a Assembly Budget Session-ah Serlui Bialtu MLA Lalrinsanga Ralte zawhna ziaka a chhan danin Health Minister chuan Health Care Scheme atan ADB atangin pawisa puk tumna a awm a, sum puk tum zat chu US dollar maktaduai 108 a ni tih a sawi a. ADB loan puk tumna ah hian harsatna liantham a awm hriat a ni lo a, amaherawhchu, proposal-ah siamthat ngai a awm a, chu chu ADB duh angin siamthat leh tawh a ni. ADB atanga pawisa pukna tura Mizoram sawrkarin proposal a lo siam tawh chu Department of Economic Affairs, Ministry of Finance, Government of India in siamthat ngai lai a tih te ADB puihna in siamthat tawh a ni a, ni 25.2.2025 khan proposal thar chu thehluh leh tawh a ni.