State pawna thawnchhuah tlak wine siam tha ti

Horticulture Minister Prof. Lalnilawma chuan Mizorama kuthnathawktute din khawchhuah theih nan State pawna thawnchhuah tlak Wine siam tha a tih thu a sawi.

Mizoram Horticulture Service Association General Conference vawi 27-na nimin-a Tourist Lodge Chaltlang a neih a hmanpuina ah Horticulture Minister Prof. Lalnilawma chuan Mizorama thei leh thlai hrang hrang tharchhuahte hmanga Wine siamchhuah chu a kaihhruai Horticulture Department chuan hmachhawpah a nei tih a sawi a, Mizorama kuthnathawktute din khaw-chhuah theih nan Mizoram-a zawrhchhuah tur chauh ni lovin, State pawna thawnchhuah tlak Wine siam tha a tih thu a sawi a ni.

Horticulture Minister chuan Horticulture Department hmalakna avangin thlai tharchhuah lamah Mizoram in hmasawnna nasa tak a hmuh mek thu leh thlai thar chhuahte hlawk zawka hralh a nih theih nana thlai senghnua sawngbawl dan, Post harvest lama hmalakna leh hmachhawp awm mek te a sawi a, Dragon Fruit Powder siam leh thlai panga- Sawhthing, Mizo Hmarchate, Sapthei, Dragon Fruit leh Lakhuihthei hralhchhuahna ah Reliance company te nena an thawh ho mek thu te a sawi bawk.