Special package-ah vbc. 20

Chief Minister Lalduhoma'n Bana Kaih hnuaia Chief Minister Special Package atan cheng vbc. 20 dah a ni tih a sawi a, Beneficiary pakhatah cheng nuai khat aia tlem lova pek tum a ni tih a sawi bawk. Nimin-a Assembly thutkhawm ah Tuirial Bialtu MLA K. Laldawngliana zawhna chhangin Chief Minister Lalduhoma chuan Chief Minister Special package dil tur te chuan Online application download a, District tina DC hneah thehluh tur a ni tih a sawi a, Dilna thehluh chu Department in enfiahin dinchhuahpui tur ngeia an hriat te an thlang dawn tih a sawi a, tun dinhmunah mi 29,403-in an dil tawh a, a dawng tur thlan a la ni lo tih House a hrilh a ni. Chief Minister chuan tun dinhmunah Minister te leh Adviser to Chief Minister ten Motor pakhat theuh bakah a spare pakhat theuh an kawl tih a sawi bawk.