Hlawh ennawn tum rih lo

Law & Judicial Department changtu Chief Minister Lalduhoma chuan tun dinhmunah sawrkar hnathawk hlawh ennawn tumna a awm rih lo tih House a hrilh. Nimin-a Assembly thutkhawma zawhna leh chhanna huna Lunglei West bialtu MLA T. Lalhlimpuia zawhna a chhannaah sawiin Chief Minister chuan tun dinhmunah sawrkar Ukil an ni emaw, hnathawk dang an ni emaw hlawh ennawn tumna sawrkarin a nei rih lo tih House a hrilh a, Lunglei Rahsi Veng-ah District Court Building sa tha tura hmalak mek a nih thu sawiin, DPR siam zawh a la nih loh avangin sum sanction zat hriat theih a la ni lo tih a sawi a, District Court sakna tur ram chu tihfel mek a ni tih a sawi bawk.