SMS-ah nuai 25,938.80 hmang

Nimin-a Assembly inkhawm ah INC Member C. Ngunlianchhunga zawhna chhangin Finance changtu Chief Minister Lalduhoma chuan sawrkar kum kal mek 2024-2025 ah February 13 thleng khan State Matching Share (SMS) atan cheng nuai 25,938.80 sen a nih thu a sawi a. Chief Minister tarlan danin, SMS atana sum hman hi Budget Estimate 2024-2025 cheng nuai 10,507.89 leh additional SMS allocation cheng nuai 14,785.91 belhkhawm a ni. Top-up provision in BE 2024-2025 cheng nuai 8,267.25 chu lak tel a ni lo. SMS te hi tun dinhmunah project/scheme 48 atan hman a ni a, SMS pek theih loh avanga Central atanga sum hmuh khaihlak a awm hriat a ni lo.