Bawrhsap leh MJA inkawm

Champhai Bawrhsap thar Mohammad Aaquib leh Mizoram Journalists' Association (MJA) Champhai District Member te chu nimin khan Bawrhsap Pisa-ah an inkawm a, he hunah hian tun thla ni 26-a MJA Conference vawi 51-na Champhai a neih tur chungchang bakah khawpui faina chungchang te, khaw chhung kawngpui venghim tura Road Protection Squad tharthawh leh chung-chang te bakah thil pawimawh hrang hrang te an sawiho a. Bawrhsap chuan thuthar lakhawmtute chu Democracy innghahna lungphum pawimawh tak an nih angin theihtawp chhuah zel turin a fuih a. Sawisel ngai ni a an hriat te sawisel a, rawtna leh thurawn an neih te thlen zel tura chahin, an thurawn te dawngsawng turin an inpeih reng thu an inkawmna ah hian a sawi bawk a ni.