Silk Samagra-2 hnuaia hmalakna a hmunah enfiah

Silk Samagra-2 hnuaia Project Monitoring Team te chuan nimin March 3, 2025 khan ‘Augmentation of Muga Culture in Mizoram under Silk Samagra-2’ hnuaia Serchhip District chhung Chhuanthar Tlangnuam Baktawng Zau-a beneficiaries mi 8 te hmalakna chu a hmunah an rawn enfiah.
Augmentation of Muga Culture in Mizo-ram under Silk Samagra-2 hnuaiah hian nikum khan Muga Pangang chaw, Bul tiak chu heng beneficiaries te hnenah hian semin mi pakhat tan 500 zel pek an ni a, heng te hi a damkhawchhuah that leh that loh te rawn endik in Nauthak Pangang (Muga) khawi atanga eizawnna tlaka hma an lak ngei theihna turin an hmalak zel dan turte an rawn sawipui bawk a ni.

Project Monitoring Team te hi Central Silk Board aiawhin BN. Choudhury, Scientist D & Head Messo, CSB, Guwahati; Nagesh S, Asst. Secretary (Tech) R.O, CSB, Guwahati; leh Dr. Lalthlamuana Pachuau, Scientist D, REC, Aizawl te niin Directorate of Sericulture atangin B. Lalchhuana, Project Coordinator leh Team ten an rawn tawiawm a. District Sericulture Officer (DSO), Serchhip S. Lalrintluangi leh a thawhpui ten lo dawngsawngin a hmunah an telpui bawk a ni.