Serchhip District Jail enfiah

Serchhip District Jail Inspection Team te chuan niminpiah khan Serchhip District Jail tlawhin Jail tang zingah kum tling lo an awm leh awm loh an enfiah a, tuna Jail-a tang mek zingah kum tling lo an awm lo tih an finfiah a ni. Jail Inspection Team kaihruaitu Principal Magistrate Josangzeli Tlau Jail-a awm mek te chu Dan lama an mamawh apianga puitu tur an awm thu hrilhin a thlamuan a, an mamawh an lo te sawi ngaihtuahsak a tum thu sawiin, a hma thei ang berin Volleyball Tournament buatsaih sak an nih tur thu pawh a hrilh bawk. Tun dinhmunah Serchhip District Jail-ah hian tang 81 an awm mek a, an zinga 5 hi hmei-chhia an ni a, ruihhlo kaihnawih a thubuai nei a tam ber an ni.