Serchhip-ah Mizo Inhruipawh inelna neih a ni

Serchhip District Tug of War Association in an buatsaih ‘Serchhip District Tug of War Championship 2025’ chu Inrinni khan Serchhip P&E Veng-a Leisekawt Mual-ah neih a ni a, tun tumah hian Mipa tan inelna buatsaih niin Team 6 an tel a, Final-ah Lalrinawma Memorial Team leh SWAT Unit Team te an intum a, Lalrinawma Memorial Team te hi Champion in lawmman pawisafai Rs. 7,000/- an dawng a, pahnihna ni ta SWAT Unit Team te hian lawmman ah Rs. 5,000/- an dawng bawk a ni. ‘Serchhip District Tug of War Championship 2025’ hi Serchhip Sub-Hqrs. YMA President Kawlthuama chuan hawngin Aizawl atangin Mizoram Tug of War Association hruaitute pawhin an rawn telpui a ni.