Sawhthing lei chungchanga hriat tur pawimawh inzirtir

Mizoram sawrkar in Sawhthing lei-a hma a lakna kal zelah nimin khan Serchhip leh Tuikum Bial huamchhunga Secondary Collection Centre hrang hranga hruaitute tan Sawhthing lei zela tura hriattur pawimawh inzirtirna chu Serchhip DAO Conference Hall-ah neih a ni a, he hun hi Serchhip DAO Lalchharliana chuan hmanpuiin Sawhthing lei mek-a an hmalakna tlangpui te a tarlang a ni. He hunah hian Aizawl atangin Agriculture Marketing Board aiawh rawn kalin thlai thar hralh tur leh lei tura hriat tur pawimawh te an sawi a, Mizoram-ah nasa taka Sawhthing chingtu an pun avanga mumal taka hmalak a tulna leh mahni khua chauh ngaihtuah lova zau zawka ngaihtuahna sen a tul thu te an sawi bawk a ni. Hetianga inzirtirna hun hi Vawiin hian Hrangturzo Bial huamchhunga SCC hruaitute tan neih leh tura ruahman a ni.