RD Minister in hmanpui

Rural Development Minister Prof. Lalnilawma chuan nizan hmasa khan Farkawn khua ah Tuipuiral Group YMA Inkhawmpui vawi 46-na hmanpuiin Zo nun ze mawi chawinung zel turin kalkhawmte a chah a. Mizoram chu ‘Zotlang ram nuam’ tia chawi anihna puzo turin tan lak a ngai hle tih sawiin, Mizo mipa suat mektu ruihhlo laka fihlimte, tuihna humhalhte, zirna lama tanlak leh mahni intodelh tumna te chu YMA Kumpuan thupui - ‘Ram leh hnam humhalh’ nen pawh a inhmeh hle tih a sawi bawk a ni. Prof. Lalnilawma chuan sawrkar ruahmanna thar angin a Department chan Rural Development leh Local Administration Department-te an inchhunfin tur thu a tarlang a. An Department kaltlang hian khawtlang hmasawnna thlen a duh thu a sawi bawk.