MERC thutkhawm neih a ni

Mizoram Education Reforms Committee (MERC) thutkhawm vawi 10-na chu nimin khan Directorate of Higher & Technical Education Conference Hall-ah Education Minister Dr. Vanlal-thlana hovin neih a ni a, he hunah hian Private School Recognition Rules chungchangte, Mizoram Education Transfer & Posting Rules chungchang te, State Level Public Consultation chungchang te leh Education Reforms Campaign chungchang te sawiho a ni a, heng bakah hian MERC hnena lehkha lut 13 te sawiho a ni bawk. Tun tuma MERC meeting na hi Sawrkar kum kallai mek 2024-25 chhunga thutkhawm hnuhnung ber tur a ni a. Din a nih chhante bawhzuiin Mizorama zirna siam that nan zirchianna leh rawtna hrang hrangte Sawrkarah an thlen thin a ni.