Police ten mipuite an ngen

Mizoram Police chuan thuchhuah siamin tunlaiin Lengpui Airport atanga zinchhuak tur zingah phalna nei loa silaimu keng, Lengpui Airport-a man an awm fo thu an sawi a. “Sual vang pawh ni lo, fimkhur loh vanga silaimu emaw lo ak palh te pawh License nei lo kan nih chuan dan (Arms Act) hnuaiah thubuai ziahluh (register) a ngaih phah thin a, hemi avanga thubuai kan neih theihna laka kan him theih nan silai leh a mu (Arms & Ammunition) kawl reng rengin danin a phut angin License kan nei ngei tur a ni,” an ti a. Lengpui Airport atanga zinchhuak tur reng reng mahni In an chhuahsan hmain an bag, thawmhnaw leh thildang an ken tur te uluk taka endik hmasa vek tura ngenin, midang bag emaw, parcel emaw an kensak dawn a nih pawhin Airport thlen hmain uluk takin a chhunga awmte endik hmasa thin turin an ngen bawk.