One Nation One Helpline Motorcycle Rally nei

Zonuna Kawlni (LENKAWL) • March 1, 2025 • Comments • Serchhip

Nimin khan Serchhip-ah District Hub for Empowerment of Women (DHEW) Serchhip, Serchhip District Executive Force (DEF) leh Mission Vatsalya tangkawp buatsaih ‘One Nation One Helpline Motorcycle Rally‘ neih a ni a, he Rally hi chawhma dar 10:00-ah Serchhip DC Pisa Tual atanga tanin Bawrhsap Paul L. Khuma chuan a vailiam a ni. One Nation One Helpline Motor Cycle Rally hian a tum ber chu ram mipuite tana sawrkarin Helpline Number hrang hrang a ruahman: Emergency Helpline -112, Women Helpline -181 leh Child Helpline - 1098 te chu zau zawka mipui ten an lo hriat a, tangkai zawka an hman theihna tur atana buatsaih a ni a. Motorcycle Rally hi DC Office atanga chhuakin New Serchhip Traffic Point an hel hnuah Serchhip AOC Veng-ah a tawpna siam a ni.