MSU ten Cyber Crime-ah FIR an thehlut

Mizoram-a cheng hnam peng hrang hrangte inkarah inhuatna chi tuh thei thubelhchian dawllo thehdarh fo thin chungchang chhui turin Mizo Students Union (MSU) General Hqrs. chuan nimin khan Aizawl Police Station ah FIR a thehlut.

Hemi chungchanga thuchhuah siama an tarlan danin MSU chuan Social media hrang hrang Youtube channel, Whatsapp, Facebook page, Telegram leh Instagram-ah te Mizoram-a cheng hnam peng hrang hrangte inkarah inhuatna chi tuh thei thubelhchian dawl lo thehdarh a ni fo thin chu pawi an tih thu an sawi a, hetiang tih hmang te hi zawnchhuaha hrem ngei an nih theih nan, Aizawl Police Station, Cyber Crime-ah First Information Report an thehlut a ni. 

Mizoram thenawm Myanmar leh Manipur-ah Zohnahthlak leh Zohnahthlak inkar ah innghirnghona awm fo thin chu pawi a tih thu MSU chuan sawiin, Social Media-a thubelhchian dawl lo, Mizo hnam peng emaw tan hriat nuam lo tak thehdarh anih fo chuan nghawng lian zawk leh pawi zawk, awlsam taka tharum thawhna a tihchhuah mai theih thu leh hetiang tih ching ten dan hmanga hram an nih ngei theih nan hma an lak zel dawn thu an sawi bawk a ni.