MPSC in hna sang lakna ah result tichhuak zel

Mizoram Public Service Commission (MPSC) chuan nikum-a Mizoram Civil Services (Combined Competitive) Main Examination a buatsaih result chu Zirtawpni khan a tichhuak.

Mizoram Public Service Commission (MPSC) in Combined Competitive Exam a buatsaih mek hi MCS ,MPS, MF&AS leh MIS post 34 lakna tur niin Exam chawng hnihna, Main Eesult result tihchhuah ah hian mi 68 in exam hi an paltlang a ni. Combined Competitive Exam hi chhawng thuma neih thin a ni a, Preliminary Examination hi nikum July ni 27 khan neih niin mi 5854 an exam a, hna dilna thehluttu zawng zawng ten Preliminary Exam hi an hmachhawn thei a. An zinga mi 346 ten Prelims Exam hi paltlangin nikum October ni 22 atanga ni 25 inkar khan Main Exam hi an hmachhawn leh a, heng zingah hian Candidate 68, Unreserved Category-ah 66 leh PwD Category mi 2 te chuan Main Exam hi paltlang lehin Personal Interview an hmachhawn leh dawn a ni.

MPSC in Environment, Forests & Climate Change Department hnuaia Junior Grade of Mizoram Forest Service (Assistant Conservator of Forests) post 3 (pathum) hna lakna a kalpui mekah dilna thehluttu zawng zawng mi 626-te atangin Physical Efficiency Test (PET) paltlang mi 238 an awm a, heng mite hian Written Competitive Examination an hmachhawn hnuah mi 12-te Document Screening turin thlan an ni bawk.