Lokayukta in thubuai chhui tur 72 dawng tawh

Mizoram Lokayukta-ah thubuai 72 ziahluh a ni tawh a, thiam loh chantir mi pali (4) leh thiam chantir pakhat (1) an awm tawh.

Mizoram Lokayukta report-in a tarlan danin, kum liamta, 2024 chhung khan Lokaukta-in eirukna thubuai 17 an ziaklut a, heng te hi Preliminary Inquiry tura tih niin, thubuai pasarih ah report an dawng tawh a. Kumin 2025 chhungin thubuai pahnih an ziaklut tawh bawk a, chungte chu Mizoram Legislative Assembly Secretariat a Assistant Examination, 2024 buatsaih dan chungchang leh Lawngtlai By-pass Road a Parapet Wall siam dan chungchangte an ni.

March 2019-a Mizoram Lokayukta din a nih atanga February 28, 2025 thleng khan Mizoram Lokayukta hnuaiah thubuai 72 ziahluh a ni tawh a, chu'ng zinga 46 chu chhui zui tlaka ngaih a ni. Case hearing tum 38 neih tawh a ni a, thiamloh chantir pali leh thiam chantir pakhat an awm tawh bakah Department proceeding tura tih thubuai pathum a awm tawh bawk.

March 11, 2019-a Mizoram Larsap in Chairman hmasa ber a lak luh hnua a taka hna thawk tan, Mizoram Lokayukta hian kum 2019 ah thubuai chhui tur 9 an dawng a, kum 2020-ah thubuai 15, kum 2021-ah thubuai 13, kum 2022-ah thubuai 10, kum 2023-ah thubuai 6, kum 2024-ah thubuai 17 leh kumin-ah thubuai 2 a dawng tawh a ni.