Hualtu leh Chhingchhip khua ten thutkhawm an nei

Chhingchhip khaw tui lakna kaihhnawiha tunhnaia buaina thleng chungchang ah Hualtu khua leh Chhingchhip khua te inkara inremna tluantling a awm theihna turin nimin khan Serchhip DC Paul L. Khuma hovin Serchhip DC Meeting Hall ah thutkhawm pawimawh neih a ni.
He thutkhawm ah hian Chhingchhip leh Hualtu khaw aiawh Village Council Member leh YMA te bakah PHE Department te, Serchhip District Adminstration hotute leh Police Department te an tel a. Boruak tha tak hnuaiah inpawhtlang takin sawihona an nei a, Tuihna a awm reng theih nan tuilakna hnar Catchment Area chu tha taka humhalh nise tiin Ram humhalh tur chin thlithlai a chingfel tur hian Hualtu leh Chhingchhip khaw aiawhte leh PHE Department te chu ruat an ni.

Hualtu rama tuilakna pipe hian mimal ram te a lo paltlang tawh thin avangin mahni huan thlai chawm nana la peng an awm thin a. Heng hi tun chinah chuan tih tawh loh ni se, Gravity Main-a a luhna pipeline atang hian tu te mahin pawt peng tawh lo se tiin an rel bawk a. Engemaw harsatna a awm leh a nih pawhin mipui vantlanga boruak tipunlun lovin khawtlang hruaitu VC ten sawiho hmasak zel ni se tiin thu an dah bawk.