H&TE Minister-ah thlen

Mizo Students’ Union (MSU) General Hqrs. hruaitute chuan Inrinni khan Higher & Technical Education Minister Dr. Vanlalthlana chu a chenna In-ah hmuin kum 2019-a MPSC kaltlanga direct recruitment-a RUSA hnuaia Asst. Professor mi 70 lak te chungchang an thlen a. Heng College zirtirtu lak te hi kum 2 hnua Mizoram sawrkarin a chhawr chhunzawm tura lak an ni a. Sawrkar hnuaia an ngheh thuai theihna turin MSU hruaitute chuan Minister hi hmalakpui turin an ngen a ni. H&TE Minister chuan MSU hmalakna chu awm a tihpui thu sawiin, RUSA hnuai atanga Asst. Professor lak te hi an ngheh ngei theihna turin Sawrkar lam pawn hma an lak mek thu a lo hrilh a ni.