Group YMA Inkhawmpui nei

Zonuna Kawlni /

YMA Sub-Hqrs. Serchhip hnuaia Group YMA pakhat, Tawitlang Group YMA chuan nizan hmasa atang khan Sialhau-a Sangviala Run-ah ah Inkhawmpui vawi 46-na an hmang a, nizan hmasa khan Palai lawmna neiin Report te ngaih-thlak a ni a, nimin khan Rorel inkhawm neiin kum 2025-2027 chhunga an hruaitu tur thlanna an nei nghal bawk a, President-ah R. Lalengzama (Hmuntha Branch) leh Secretary-ah KH. Lalramhluna (Lungpho Branch) te thlantlin an ni. Tawitlang Group YMA huamchhungah hian YMA Branch 12 an awm mek a ni.

    Serchhip Sub-Hqrs. YMA hnuaia Tuichangral South Group YMA te chuan kar kalta Nilaini atanga Zirtawpni thleng khan Inkhawmpui vawi 49-na chu Zakapa Hall, Sailulak-ah an lo hmang tawh a, PHE Department-a E-in-C Er. Duhkima chu khuallian atan an hmang a ni. Kum 2025-2027 chhunga Group YMA hruaitu thlanna an neih ah President atan B. Lalrohlua (Bawktlang) leh Secretary-ah R. Vanlalthawhpuia (Piler) te thlan an ni. Tuichangral South Group YMA-ah hian Branch 21 an awm mek a ni.

Comments

Post a Comment

Popular News (Last 30 Days)

Ramkalna ah thi in hmu

Zonuna Kawlni /
Image
Serchhip bul Hriangtlang khuaa cheng B. Lalneihkima chu nimin khan an ramkalna ah thi in hmuh a ni a, ama chesual a boral nia rin a ni. Thudawn danin Lalneihkima (33) hi niminpiah khan a thian pathum te nen an khua leh Thinglian inkara Tuisang lui-ah Chengkawl khawrh turin an kal a, an kal darh hnuah an haw dawna inhmuhkhawmna tura an ruahman ah a rawn lan ve tak loh avangin zing dar 2:00 velah a thiante hian an hawsan a, nimin lama ngahven tura an kal chuan Tuisang lui-a kawrh-ah thi in an va hmu ta nia thudawn a ni a, a lu-ah hliam a tuar nia hriat a ni bawk. A ruang hi an khua ah lak niin nizan khan lumen a nih hnuah Vawiin hian vuiliam tur a ni ang.
Kimchang zawkin »