CADC-ah BJP in VC la tam

Chakma Autonomous District Council (CA-DC) huamchhunga niminpiah-a Village Council (VC) inthlanna neih chu tluang taka zofelin Vote tla te pawh chhiar zawh a ni ta a, CADC-ah hian VC 88 awmin Party mal-a VC la tam ber BJP chuan VC 64-ah hnehna an chang a, ZPM in VC 12 lain MNF in VC pariat an la bawk a, Independent-in VC pahnih an lak bakah chak zawk hriat lohna VC 2 a awm bawk a ni. CADC-ah hian Village Council seat 516 awmin General Seat 428 leh Reserved Seat 88 a ni a, Seat mal anga chhiarin BJP in Seat 366 lain an la tam ber a, General Seat 304 leh Reserved Seat 62 an la a. ZPM in General Seat 67 leh Reserved Seat 14, a vaiin Seat 81 an la a ni. MNF chuan General Seat 38 leh Reserved Seat 7, a vaiin Seat 45 an la a, INC in General Seat leh Reserve Seat pakhat ve ve lain a vaiin seat 2 an la a, Independent Candidate in seat 22 lain heng te hi General 18 leh Reserved 4 te a ni.