Aizawl-ah ‘World Kidney Day 2025’ hman a ni

Mizoram Kidney Transplant Association leh Civil Hospital, Aizawl tangkawp buatsaihin ‘World Kidney Day, 2025’ chu nimin khan Civil Hospital, Aizawl-ah hman a ni.

Civil Hospital Doctors' Seminar Room-a he hun hman hi Sr. Medical Superintendent Dr. ST. Lalruatfela chuan khuallian nia hmanpuiin Sawrkarin Civil Hospital behchhana Kal thlak ti tura a inbuatsaih dan te, Damlo Kal thlak tura inbuatsaih tul dan te leh Kal hrisel nei tura mitin inbuatsaih leh fimkhur a tulna te a sawi a, mihring te chu Kal hrisel pakhat chauh nen pawh a nun pangngai a nun theih a nih thu leh Kal thlak ngai damlo te tana phal taka Kal pek phal a tul zia te a sawi a. A mamawh tute tana awlsam zawka Kal thlak a nih theih nana Health Minister Lalrinpuii hmalakna te tarlan niin, hun reilote ah Mizoram chhung ngeiah Kidney Transplant hi tih ve theih ngei beisei a nih thu tarlan a ni bawk.

He hunah hian Kidney Transplant mamawh te tana an Kal lo petute leh Kal thlak kum 20 aia rei dam te chawimawina hun hman a ni a. Chhinchhiah danin Mizoram-ah Kal thlak mi 300 chuang awm tawhin chung zinga mi 250 chu an la dam a ni.