Bungraw Inthleng Runpui nei
Urban Development & Poverty Alleviation (UD&PA) Department bultumin tunkar Nilaini atang khan Serchhip khawpui chhunga hmun thum - UD&PA Conference Hall, New Serchhip Venglai; BNRGSK Hall, Serchhip P&E Veng leh Sub-Hqrs. YMA Conference Hall, Ser-chhip Bazar-ah te School Bungraw Inthleng Runpui (Swap & Safe) hi neih a ni a, mi tam takin zirlaibu leh zirna atana bungrua an hman thin an mamawh tawh loh te chu heng hmun ah te hian pekhawmin a mamawhte tan a thlawna lak theih a ni bawk a, mi tam takin tangkai takin an hmang a ni.
Serchhip District Urban Development Offcer Rebecca Laldinmawii Hrahsel chuan zirlaibu, uniform leh zirna atana tangkai thei thil te paih mai lo a inthleng tawnna hun chu sum leh pai tam tak khawhral tur venna tha tak a nih thu leh kumdang ah pawh chhunzawm zel tlak a nih thu a sawi a ni.
Comments
Post a Comment