Belgian Photo Journalist man

Zonuna Kawlni /

Belgian chanchinbumi (Photo Journalist) pakhat chu silaimu ruak pahnih a kawl avangin Lengpui Airport-ah man a ni. Police te sawi danin he chanchinbumi Simon Clement hi Ningani khan man niin India atanga Myanmar a lut a nih avang leh silaimu kah ruah tawhna a kawl avangin Sairang Police Station-ah Arms Act leh Foreigners Act hmangin thubuai siamsak a ni a. Inrinni khan Aizawl District Court-ah hruai a ni a, Central Jail-ah dahluh a ni. Simon Clement hi Belgium rama Ghent khaw mi a ni a, thlalatu niin Journalism Fund Europe chuan an sawi.

Comments

Post a Comment

Popular News (Last 30 Days)

Ramkalna ah thi in hmu

Zonuna Kawlni /
Image
Serchhip bul Hriangtlang khuaa cheng B. Lalneihkima chu nimin khan an ramkalna ah thi in hmuh a ni a, ama chesual a boral nia rin a ni. Thudawn danin Lalneihkima (33) hi niminpiah khan a thian pathum te nen an khua leh Thinglian inkara Tuisang lui-ah Chengkawl khawrh turin an kal a, an kal darh hnuah an haw dawna inhmuhkhawmna tura an ruahman ah a rawn lan ve tak loh avangin zing dar 2:00 velah a thiante hian an hawsan a, nimin lama ngahven tura an kal chuan Tuisang lui-a kawrh-ah thi in an va hmu ta nia thudawn a ni a, a lu-ah hliam a tuar nia hriat a ni bawk. A ruang hi an khua ah lak niin nizan khan lumen a nih hnuah Vawiin hian vuiliam tur a ni ang.
Kimchang zawkin »