YLA in kawng siam mek tlawh

Zonuna Kawlni (LENKAWL) • February 12, 2025 • Comments • Mizoram

Lawngtlai District chhunga Diltlang to Chawngte 'P' inkar kawng PMGSY hnuaia thawh mek chu niminpiah khan Central Young Lai Association hruaitute leh YLA Sub-Hqrs. Chawngte hruaituten an tlawh a, kawngpui tha tak an neih theih nan leh chak taka hna thawk turin hnathawktute chu an ngen a, hnathawhna ti khaihlak leh hmasawnna dal zawnga harsatna te a awm chuan sutkian pui turin an inpeih reng thu sawiin, kawng tha an duh avangin hnathawktute chu an vil zui reng dawn tih an sawi bawk. Diltlang to Chawngte ‘P’ kawng hi PMGSY Package-I niin Lalparmawia, Hlimen (Benjamin Construction) leh Laldawngliana, Keifang ten Joint Venture in an thawk a, hna tan hun hi nikum October ni 16 niin kum 2026-a zawhfel tura ruahman a ni.