VC/LC Inthlan-a Duty tur ten Vote an thlak tan

Tun thla ni 12-a Village Council leh Local Council Inthlanpui neih tura Election Duty tura ruat te chuan nimin khan Facilitation Centre-ah Vote an thlak.

Mizoram District hrang hranga VC leh LC Inthlan a Duty turte hian Vote an thlak theihna tur hian District tinah Facilitation Centre siam a ni a, hemi hmalam hian Vote thlak turte tan hian dilna hun hawn ni tawhin mahni Vote neihna hmun ni lo, District dang atanga Vote thlak turte Ballot Paper hi Aizawl-ah Nodal Officer ten an kenkhawm hnuah an Vote thlakna tur District-ah theuh an hawn nghal a. Hemi hmang hian District dang-a Vote thlak turte hian nimin khan Vote hi thlakin Serchhip-ah chuan DC Office-ah Vote thlakna tur hmun hi siam a ni a, mahni Vote neihna District pawnlam a Duty tur ten Vote hi an thlak a, District hrang hrangte hian Vote thlak hi zawhfel a nih hunah Aizawl-ah kengkhawm lehin a kalna tur District-ah theuh thawn leh a ni anga, hei hi RO ten Vote chhiar dawnah Ballot Box-ah an khung leh dawn a ni.

Hetihlai hian mahni Vote neihna District-a Duty turte tan pawh nimin atang khan Vote thlak theihna hun hi hawn a ni bawk a, rua-hman lawk ang chuan naktuk-ah Vote thlak hi an zofel ve thung dawn a ni.