Tamdil enkawl dan tur rel

Zirtawpni khan Saitual Bawrhsap Dr. Lalngura Tlau hovin Tamdil Management Committee chu thukhawmin tha zawk leh changtlung zawka Tamdil enkawl zui dan tur an sawiho a, he hunah hian Saitual Bawrhsap chuan tun aia tha leh mumal zawka Tamdil enkawl anih theih nan ngaihtuahna leh rilru seng thar theuh turin a chah a, Tamdil chu Mizoram-a Dil hmingthang tak anih avangin humhalh a ngai a, tlawh manhla tak ni tura chawi-nun, enkawl leh thuam that kawngah pawh neitu rilru pu a venghim tlat turin kalkhawmte a sawm a ni. He hunah hian Tamdil enkawl hna thawktu Department pathumte atangin an hmalak tawhna theuhte bakah harsatna an tawhte ngaihthlak a ni a, NGO hrang hrang aiawhten an hmuh dan leh chawilar that a nih leh theihna atana rawtna an neihte ngaihthlak a ni bawk.