District PYD Conference North Vanlaiphai-ah hmang

United Pentecostal Church (UPC) North East India hnuaia thalai pawl, Pentecostal Youth Department (PYD) Aizawl East District Conference vawi 31-na chu nimin Pathianni hmang khan North Vanlaiphai G&SA Ground-ah neih a ni. Aizawl East District PYD Conference-ah hian thupui atan ‘I Pathian tawk turin inpeih rawh’ (Amosa 4:12) tih chu hman niin Zirtawpni zan khan District Supertintendent Rev. R. Laltlankima chuan Conference hlanna hun a hmang a, Inrinni khan Leilet Biak In-ah Rorel Inkhawm neiin hemi hlan hian Pandal-ah Fellowship neih a ni thung a, nimin Pathianni khan member boral sunna hun hmangin nizan khan Inkhawmpui hi a tiak a ni. He Inkhawmpui-ah hian Palai 1200 vel an kal a ni.