SWTA, WC&D Minister in New Delhi-ah hmanpui

Bharat Rural Livelihoods Foundation leh Axis Bank Foundation huaihawt 'National Tribal Livelihoods Submit, 2025' chu nimin khan New Delhi-a Dr. Ambedkar International Centre-ah neih a ni a, he hun hi Social Welfare & Tribal Affairs and Women & Child Development Minister Lalrinpuii chuan khual zahawm niin a hmanpui a ni.

    He hunah hian Minister Lalrinpuii chuan BRLF leh Funding Agency lian kalkhawm hmaah State 10 laia hnathawk mek ni siin, hna an la thawh lohna State Mizoram atang daiha an sawm vang vang chu lawmawm a tih thu sawiin, Mizoram-ah mipuite eizawnna kawnga hmalak mekna State flagship programme Hand holding policy-ah thawhpui a chak thu a sawi a. Kuthnathawka eizawng tam tak chu eizawnna ngelnghet zawk an neih theihna tur kawng - Marketing leh Processing-ah te thawhhona kawng awm thei se a duh thu a sawi bawk. He Tribal Livelihood Summit-ah hian Funding Agency lian te, PSU lam bakah International Development Sector-a thawkte te leh Central Ministry leh State hrang hrang aiawhte an tel a ni.