Serchhip Town chhunga VC thlan thar ten Executive Body an siam fel ta
Serchhip Town chhunga VC hrang hrang 14-ah VC Executive Body hi siam fel a ni hlawm a, Chhiahtlang North VC-ah ZPM kaihhruai VC dingin RC. Lalhruaitluanga chu President a ni anga, Lalfakzuali Sailo chu Vice President niin Treasurer-ah Hrangchhuana a awm dawn a ni. Chhiahtlang South VC-ah ZPM in sawrkar siamin H. Lalrawngbawla chu President a ni anga, Vice President-ah H. Lalmuanthanga leh Treasurer-ah H. Zatluangpuii te an ni ang. New Serchhip North VC-ah ZPM Party in VC thar siamin RL. Chhuanawma chu President a ni dawn a, H. Lalengzauva chu Vice President niin Treasurer-ah H. Lalremsiama a ni ang. New Serchhip South VC-ah MNF leh Congress ten sawrkar siamin Lalthuamliana (MNF) chu President a ni dawn a, Laltlankima (MNF) chu Vice President niin Vanhlupuii (Congress) chu Treasurer a ni thung ang.
Serchhip P&E Veng VC-ah ZPM in sawrkar siamin Benjamin K. Zothanliana chu President a ni anga, H. Ronghaka chu Vice President niin F. Hrangthangpuii chu Treasurer a ni bawk ang. Serchhip Kawnpui North VC-ah ZPM in sawrkar siamin B. Vanlalsawma chu President a ni anga, H. Vanlalthenlova chu Vice President niin H. Lalmuanawma chu Treasurer a ni bawk ang. Serchhip Kawnpui VC-ah Congress leh MNF tangdun in sawrkar siamin Lalramnghaka Kawlni chu President a ni dawn a, Vice President-ah Lalremsiama Kawlni leh Treasurer-ah Lalmuanpuii te an awm dawn bawk a ni.
Party mal-a chak bik awm lohna Serchhip Chanmari Veng VC-ah ZPM leh MNF ten sawrkar siamin T. Lalengruala (ZPM) chu President a ni anga, K. Hrangnawna (MNF) chu Vice President niin Lalhruaitluanga Sailo (ZPM) chu Treasurer a ni ang. Serchhip Hmar Veng VC-ah Congress in sawrkar siamin Albert Lalramsiama chu President a ni anga, Vice Pfresident-ah Lalremruata leh Treasurer-ah Lalzikpuii te an awm bawk ang. Serchhip Field Veng VC-ah ZPM in sawrkar siamin Remsangzuala chu President a ni anga, Vice President-ah Lalchhandama leh Treasurer-ah CMS. Dawngliana te an ni bawk ang,
Serchhip Vengchung VC-ah ZPM in sawrkar siamin Lalrinthuama chu President a ni dawn a, Vice President-ah Vandingliana leh Treasurer-ah R. Lalngaihzuala te an ni dawn a, Serchhip Dinthar VC-ah ZPM in sawrkar siamin Ramdinpuia chu President a ni anga, Vice President-ah PC. Vanlalvena leh Treasurer-ah Jerome Mualmawithanga te an ni ang. Serchhip Darnam VC-ah ZPM sawrkar in Lalhriathlua chu President a ni anga, Vice President-ah Lalramchhana leh Treasurer-ah R. Vanlalruati te an ni ang. Independent in Seat 4 an lakna Serchhip Chhim Veng VC-ah PC. Siamliana chu President a ni dawn a, Philip Lalchawimawia chu Vice President niin Treasurer-ah Saimawii Sailo a ni bawk ang.
Serchhip Town chhunga Village Council 14 awm-ah hian ZPM chuan party mal-a VC thar siamna 9 an nei a, Congress Party in VC pakhat siamin MNF in Party mal-a sawrkar siam phakna an nei lo thung a. MNF leh Congress tangdun te chuan VC pahnih ah sawrkar intawm siamin President channa pakhat ve ve an nei a, ZPM leh MNF in sawrkar intawm pakhat neiin ZPM in President an chang a, Independent a thlantlin ten VC pakhat an siam bawk a ni.