Serchhip-ah Walk For Health Walkathon 2025 nei tan

Health & Family Welfare Department hnuaia Mizoram Health Systems Strengthening Project hmalakna hnuaiah nimin khan Walk For Health Walkathon 2025 chu Serchhip-ah neih tan a ni.

Walk For Health Walkathon 2025 hi Serchhip District-a a hmasa ber atan nimin zing khan Ser-chhip Field Veng-ah neih a ni a, he hunah hian Serchhip Health & Wellness Centre-a Health & Wellness Officer Saron Lallawmkimi chuan kaihruaiin Walk For Health Walkathon 2025 in a tum ber chu mitin ten nunphung hrisel kan neiha chumi atana inzirtirna leh inkaichhawn theih natna ni lo- Thisensang, Zunthlum Cancer leh Stroke te kan veng thei a ni tih inzirtirna neih a nih thu a sawi a. Heng natna laka invenna atana tha ber chu ke-a kal tam a ni tih sawiin, mithiam ten ni tin minute 30 chhung ke-a kan kal chuan heng natna lakah hian kan inveng thei tih an hmuhchhuah thu a sawi a, hei vang hian ke-a a tam thei ang kal tura inzirtirna atan he hun hi buatsaih a ni tih sawiin, rah tha chhuah ngei se a duh thu a sawi bawk.

Walk For Health Walkathon 2025 hi Mizo-ram District 5-a khaw 510-ah neih tura ruahman a ni a, Serchhip District-ah chuan nimin-a tan a nih hnu hian hmun hrang hrang ah neih chhoh zel tur a ni anga, thla thar March 4 khian a huho in Serchhip-ah ke-a kalna hun hi buatsaih a ni ang.