P/S Zirtirtu lak belh leh tum

School Education Department in thla thum (3) dana an hmalakna thlirletna, Quarterly Review Meeting an neih thin chu nimin khan SAD Conference Hall-ah neih leh niin School Education Minister Dr. Vanlalthlana chuan a hmanpui a, he hunah hian thutkhawm hmasa lama an thurel bawhzui dan thlirho niin District hrang hrang ten mamawh leh tlakbalna an neih leh harsatna an neih bakah zirna In hma a sawn theih dan turte pawh an sawiho a ni. He hunah hian Primary School Zirtirtu 142 lak belh tum a nih thu leh Zirtirtu pakhat chauh awmna School-ah Zirtirtu dah belh tum a nih thu tarlan a ni a. Sawrkar School a naupang an tam theihna tura hmalak dan tur leh naupang ten Hindi an thiam theihna tura hmalak dan turte pawh sawiho niin thu pawimawh dang te an sawiho bawk a ni.