Serchhip District chhunga Village Council Inthlanpui lo awm turah inthlanna felfai leh hlawhtling neih a nih theih nan Village Council 41-ah Self Help Group pakhat theuh te chu Area Coordinator atan ruat an ni a, an area theuhah Vote tam zawk thlak a nih theihna tura hma lo lain Vote nei ten vote thlak dan tur dik tak an hriat theih nan an khaw Polling Station-ah te tun thla ni 12-a Vote thlak hunah a remchan dan angin an duty dawn a ni. Heng SHGs atang hian mi pakhat zel chu Polling Station Booth Ambassador atan ruat an ni bawk a, anni hian vote thlak ni hian nilengin tlangau hrilh hriat leh Vote thlak tura lo kal te chiauau lamah Polling Officials te leh MPF te an lo pui dawn bawk a ni. SHG te Area Coordinator-a ruatna hi Serchhip RD Block-a VC 29 leh East Lungdar RD Block a VC 12-ah te an ni.
