MPCC President in Bairabi Rel Station a tlawh

Mizoram Pradesh Congress Committee (MPCC) President Lal Thanzara chuan nimin khan Bairabi-a Rel Station tlawhin Rel atanga buhfai phurh thlen a nih dan leh Barabi khawchhunga National Highway hnathawh mek a en a, Buhfai phurh chungchanga harsatna hrang hrangah sawrkar in ruahmanna fel fai zawk a siam loh avanga Mizo-ram hmun hrang hranga mipuiin Ration buhfai a hun taka an hmu lo thin chu pawi a tih thu sawiin, “Sairang thlenga Rel a luh huna Mizoram in awlsam taka kan mamawh lakluh a nih hun a nghahhlelhawm hle a, heng ruahmanna tha kalpui hi ZPM sawrkar hian hming thlak ringawt ngaihtuah lova a tihpuitlinna tura chak zawka tha a thawh a ngai a ni,” a ti. MPCC President hian Bairabi Hmar Veng-a Kolasib Block-II Political Training leh mithar lawmluhna hun chu hmanpuiin an Party zawm thar mi 32 a lawmlut niin MPCC thuchhuah chuan an tarlang bawk a ni.