Mizoram State Day-ah tawngtai rualna neih a ni

State puitlinga Mizoram hlankai ni, Mizoram Statehood Day vawi 39-na pualin nimin khan Aizawl leh Mizoram hmun hrang hrangah ram pum huap tawngtaina hun, State Day of Prayer hman a ni.

State Day of Prayer hi nikum (2024) khan State Day-ah a vawi khatna atana hman a nih hnuah a vawi hnihna atan State Day of Prayer Organising Committee buaitsaihin nimin khan neih leh a ni a, thupui ah 'I ram lo thleng rawh se' tih hman a ni a, kumin hian 'Fiji Challenge' tia vuahin ram pum huap sual thupha chawi tawngtaina neih a ni a, Aizawl-ah chuan Lam-mual-ah hun hman niin zaihona bakah Aizawl chhunga Kohhran hrang hrang thlan bik Zaipawl member 1000 chuang, Zaipawlpui ten hla an rem a, chawhma inkhawm ah Chief Minister Lalduhawma chuan thu a sawi bawk a ni.

State Day of Prayer hi District hrang hrangah pawh hman a ni a, a hmanna pui ber Aizawl-ah hian Mizoram Kohhran Hruaitute Committee, Council of Churches in Mizoram, Minister leh MLA te an tel bakah mipui thahnem tak telin tawngtai rualna hun an hmang a ni.