Mizoram-ah BJP in hma a sawn niin sawi
BJP Mizoram chuan nimin khan Aizawl-a an Office, Mipui Run-ah Karthar Inhlanna leh Political Session neiin he hunah hian BJP Mizoram State Vice President Vanupa Zathang chuan Mizoram-ah BJP hmasawnna an hmuh thu a sawi a. “Tunah CADC-ah pawh BJP kaihhruai Sawrkar ah beiseina sang tak an neih avangin Sawrkarna siam a ni dawn bawk a, Mizoram Sawrkar ngei pawh hian BJP-a inchhunluh mai duhna emaw thawhdunna tha tak neih hi an la duh hial maithei a ni,” a ti a. A chhan sawiin, “Keini ang ram rethei tan chuan Central atanga sum lo kal tur hi a pawimawhin Central sawrkar thawhpui thiam hi a pawimawh êm a, mahni kut ke ngawt chuan kal ngaihna a awm lo a ni. Chuvangin India ramah kan awm a, India pawisa lo hman tur kan nei chuang si lova, Pu Modi-a Sawrkar mi retheite hmangaihtu duhsakna hi kan chan a, Mizoram in hmasawnna tha zawk kan hmuh ngei theihna turin BJP pawh Mizoram Sawrkar hian lo thawhpui pawh ni se Mizoram mipuite hian kan hrethiamin a rinawm a ni,” tiin sawrkar kumthar atana Union Budget pharh tak chungchang a sawifiah nghal bawk.
Comments
Post a Comment