Lunglei District Jail sak dan tur ruahmanna enfiah

Lunglei West bialtu MLA T. Lalhlimpuia chuan niminpiah khan Lunglei District Jail tlawhin SASCI (Scheme for Special Assistance to States for Capital Investment) sum hmanga District Jail sak dan tur ruahmanna a hmunah a enfiah a, District Jail-a duty Mizoram Home Guard Civil Defence barrack chhe tawh tak sak that dan turte a enpui bawk a. SASCI sum a Lunglei District Jail sak that dan turah ruahmanna (estimate) ang thlap leh mamawh phuhru zo ngei tura tha taka hna thawh chu sawrkarin a duh ber a nih thu sawiin, hna tha chiah an beisei thu a sawi a ni.

Tun dinhmunah Lunglei District Jail-ah hian mi tang hmeichhia 15 leh mipa 105 an awm mek a. Thawktu Guiding Staff mipa 18 leh hmei-chhia 9 an awm mek bawk a. Lunglei West bialtu MLA hi Lunglei Municipal Council (LMC) Ward No. V Councillor Zonunmawii leh Lunglei District Superintendent of Police J. Lalmuankima te'n an tawiawm bawk a ni.