Dragonfruit hralhna turin inremna ziahfel a ni

Lunglei-a Dragonfruit chingtute'n an thlai tharchhuahte man bithliah (rate) felfai leh man man zawka an hralh chhuah theih nan nimin khan District Horticulture Office, Lunglei-ah Mizoram Dragonfruit Farmers' Association (MIDFA), Sub-Headquarters Lunglei leh Tawitlang Farmers Producers Company te chuan kumina dra-gonfruit tharchhuah, lei leh hralh chungchanga inremna (Memorandum of Understanding - MoU) an ziak a. He an inremna ah hian Lunglei District chhunga tharchhuah dragonfruit tha chu MIDFA Sub-Hqrs, Lunglei te hnen atangin Tawitlang Farmers Producers Company te hian kg khat Rs. 130/-in an leisak dawn a ni. He inremna an siam hian ni 30.11.2025 thleng a huam dawn a, Dragonfruit lei turte hi a grade then a ni dawn lova; amaherawchu, a pum hmin tha leh him chauh an lei dawn thung a ni. Dragonfruit thar chhuahte lakkhawm, thliar fel, buk leh hralhna hmun atan Mualthuam 'N', Pukpui leh DHO Office, Lunglei-ah Collection Centre dah tum a ni bawk.